“Eurovision” finalçılarımız təsdiqləndi

“Bu seçim İctimai Televiziya və milli münsiflər heyəti tərəfindən aparılır”.

“İctimai Televiziya “Eurovision 2019” yarışmasında ölkəmizi təmsil edəcək sənətçinin müəyyənləşməsi üçün qapalı kastinq həyata keçirib. Kastinqə 40-dan çox musiqiçi dəvət edilib və onların arasından 4-ü finala vəsiqə qazanıb. Həmin 4 finalçı – Tofiq Hacıyev, Çingiz Mustafayev, Ləman Dadaşova və Samirə Əfəndidir”.

Bu sözləri Azərbaycanın “Eurovision” üzrə nümayəndə heyətinin rəhbəri Hüsniyə Məhərrəmova deyib. O, milli seçim turlarında finala qalan şəxslərin adını açıqlayaraq seçimlərin münsiflər tərəfindən aparıldığını bildirib:

“Bu seçim İctimai Televiziya və milli münsiflər heyəti tərəfindən aparılır. Hazırda biz seçimin bitməsini gözləyirik ki, seçilən ən yaxşı demo-versiyanı 4 finalçının ifasında yazaq. Məhz bu mərhələdən sonra ən yaxşı mahnı və ifaçı seçilərək “Eurovision 2019” mahnı müsabiqəsində Azərbaycanı təmsil etmək şansı qazanacaq.Təmsilçinin kimliyi mart ayından tez olmayaraq milli münsiflər heyətinin qərarından sonra məhz İctimai Televiziyada açıqlanacaq. Ümumiyyətlə “Eurovision”la bağlı bütün son xəbərlər, eləcə də təmsilçinin adı ilk olaraq İctimai Televiziyada səslənəcək”

Загрузка...

Bu xəbərə şərh yaz

  Abunə ol  
Xəbərdar ol